Meðalhófsreglan með tilliti til valdbeitingar lögreglu

Meðalhófsreglan, sem er ein af grundvallarreglum stjórnsýsluréttar, á sér langa sögu og má finna vísi að henni svo langt aftur sem í Hávamálum. Þar segir í 64. erindi gestaþáttar: „Ríki sitt skyli ráðsnotra hverr í hófi hafa“ og lýsir þetta erindi í hverju stjórnviska er talin vera fólgin. Þ.e. að hygginn maður misbeitir ekki því valdi sem hann hefur heldur fetar meðalveginn á milli ólíkra hagsmuna. Valdhafinn hefur ekki heimild til að beita valdi sínu eins og honum hugnast heldur ber honum að finna meðalveginn milli andstæðra sjónarmiða svo að allir megi sem best við una og engum sé íþyngt um of. Þetta er grunninntak meðalhófsreglu nútímans, sem stjórnvöldum ber að fylgja í störfum sínum. Í ritgerð þessari verður fjallað almennt um meðalhófsreglu stjórnsýsluréttar og áhersla lögð á að sýna hvernig hún kemur til framkvæmdar í dómsmálum og þá helst í málum sem varða beitingu hennar í lögreglurétti