Þjálfarar sem stjórnendur í fyrirtækjum: Lærdómur dreginn af þjálfarastarfinu

Íþróttir í dag eru stundaðar í mjög hörðu samkeppnisumhverfi og mikill þrýstingur er á þjálfara og íþróttamenn að ná árangri. Sama má í raun segja um vinnuumhverfið en þar eru það sömu grundvallariðin sem skipta máli, þjálfarar og stjórnendur reyna að hvetja leikmenn/starfsmenn sína til að ná sem bestum árangri. Þegar allir skilja og eru meðvitaðir um áætlanir og stefnu stjórnandans eða þjálfarans er mun auðveldara fyrir teymið að ná árangri. Viðfangsefni verkefnisins var að varpa ljósi á styrkleika og háttsemi stjórnenda sem eiga árangursríkan þjálfaraferil að baki og draga fram þá reynslu sem þeir hafa þar öðlast og hvernig það gerir þá að betri stjórnendum. Viðfangsefnið var einnig skoðað í fræðilegu samhengi og gerð var grein fyrir ýmsum kenningum í stjórnun og þjálfun. Gerð var eigindleg rannsókn þar sem rætt var við tvo þjálfara hópíþróttaliða sem hafa náð framúrskarandi árangri með lið sín. Notast var við fyrirbærafræðilega rannsóknaraðferð en slík aðferð reynist vel þegar markmiðið er að fá djúpan skilning á upplifun og reynslu viðmælenda. Þegar tekið er mið af niðurstöðum svara viðmælenda gefa þær til kynna að hlutverk stjórnenda og íþróttaþjálfara mjög áþekkt en þó sé meiri alvara þegar um ræðir stjórnun fyritækja. Þær benda einnig til að þjálfarar sem verða síðar stjórnendur taka með sér veigamikla reynslu úr þjálfun sem nýtist þeim vel í stjórnun skipulagsheilda