Aldraðir og atvinna

Rtgerð þessi er B.A. verkefni til 12 eininga í félagsráðgjöf í félags og mannvísindadeild Háskóla Íslands. Leiðbeinandi minn í verkefninu var Sigurveig H. Sigurðardóttir . Tilgangur ritgerðarinnar er að varpa ljósi á atvinnuþátttöku aldraðra. Einnig að meta kosti sem og ókosti atvinnuþátttöku aldraðra bæði fyrir þá sem og samfélagið. Einnig verður umfang atvinnuþátttöku aldraðra kannað. Til þess að rannsaka viðfangsefnið eru heimildir bæði innlendar og erlendar notaðar til þess að draga upp sem réttasta mynd af atvinnuþáttöku aldraðra. Að stunda vinnu á að vera hverjum manni sjálfsagt, bæði til þess að afla tekna og auk þess er atvinnuþátttaka aldraðra kostur fyrir samfélagið sem getur um leið nýtt sér krafta og þekkingu einstaklingsins. Engu að síður eru aldraðir, 67 ára og eldri í þeirri stöðu að möguleikar þeirra til þess að afla sér meiri tekna eru skertir með tekjutengingum. Aldraðir skipa mikilvægan sess í samfélagi okkar. Þeir búa yfir dýrmætri þekkingu sem skilar sér til samfélagsins með vinnuframlagi þeirra ásamt öðru framlagi til afkomenda sinna. Þar að auki er atvinnuÞátttaka aldraðra lýðheilsumál, aldraðir eru virkari, í betri félagslegum tengslum og heilbrigðari stundi þeir vinnu. Aldraðir sem hafa ekki kost á því að stunda vinnu, ef þeir hafa áhuga á því eru líklegri til þess að verða fórnarlömb félagslegrar einangrunar og einmanaleika sem bitnar á andlegri og líkamlegri heilsu þeirra