Mitt val: Sjónarhorn múslimskra kvenna á aðlögun og notkun blæju í nýjum menningarheimum

Lengi vel hefur orðræða um múslimskar konur sem hylja líkama sinn, hár eða andlit verið á þá leið að slíkt sé merki um kúgun á grundvelli íslam. Slíkar athugasemdir hafa yfirleitt verið settar fram af utanaðkomandi aðilum, þeim sem skynja slíkan klæðnað út frá sinni eigin menningu og þekkingu, í stað þess að beina sjónum sínum að því hvað liggi raunverulega að baki klæðnaðinum. Líkt og titillinn gefur til kynna felst þessi umfjöllun að mestu leyti um hvort slíkur klæðnaður sé val kvennanna sjálfra. En hvaða áhrif hefur það á hið persónulega og líkamlega að blæjur séu bannaðar í ákveðnum löndum innan Evrópu? Hvernig staðsetja konur sig í breyttum menningaraðstæðum? Felur aðlögun í sér að afneita sínum fyrri háttum og hefðum? Svör við þessum spurningum munu varpa ljósi á reynslu þessara kvenna, sem eru ólíkar eins og þær eru margar. Mikilvægt er að skoða stöðu þeirra kvenna sem hafa tekið upp aðra trú síðar á lífsleið sinni og gerst múslimar. Þær taka einnig upp þann sið að hylja höfuð sitt og hár. Er það þeirra val, líkt og þær völdu að taka upp íslamska trú