Lífsleikni í leikskólanum : helstu þættir kennslu í lífsleikni og hugmyndir handa foreldrum

Það er ætlunin með þessu verkefni að koma fram með hugmyndir um það hvað við getum gert til þess að efla samvinnu heimilis og skóla með þá hugsun að allir séu samtaka um það að bera hag barnsins fyrir brjósti. Lífsleikni gengur ekki einungis út á það að kenna börnunum mannasiði og hvernig þau eigi að haga sér. Í gegnum lífsleikni læra þau að taka tillit til annarra, auka sjálfstraust sitt og sjálfsvirðingu. Góð samskipti byggjast á virðingu, trausti, skilningi, jákvæðni, sveigjanleika, einlægni og þolinmæði. Alla þessa þætti lærir barnið meðal annars í gegnum lífsleikni