Þriggja flokka kerfi í þágu umhverfis

Þetta rannsóknarverkefni tengist einu stærsta vandamáli sem heimurinn stendur frammi fyrir í dag sem er úrgangsmál. Lagt er upp með að finna út hver ávinningur er fyrir íslensk sveitarfélög að flokka heimilisúrgang sem fellur til í sveitarfélaginu. Í fræðilega hlutanum er meðal annars fjallað um loftslagsbreytingar og áhrif úrgangsmála á þau og í því sambandi vitnað í rannsókn sem gerð var fyrir umhverfissvið ESB, forsendur og niðurstöður rannsóknarinnar skoðaðar og settar fram. Sjálfbær þróun er hugtak sem kom fram í tengslum við tímamótaráðstefnu um umhverfismál sem haldin var í Ríó de Janeiró vorið 1992. Fjallað er um hugtakið sjálfbæra þróun og tengingu þess við úrgangsmál auk þess er annað hugtak sem sífellt verður meira áberandi í umræðunni skoðað og það er Samfélagsleg ábyrgð fyrirtækja. Lög og reglugerðir sem koma að úrgangsmálum verða tíunduð ásamt tilskipunum samþykktum af ESB sem Íslendingum ber að taka upp sem aðilar að EES. Farið er yfir könnun sem meðal annars greinir viðhorf einstaklinga til flokkunar. Staða nokkurra sveitarfélaga í úrgangsmálum er skoðuð með áherslu á hvernig ferli úrgangsmála er háttað hjá þeim, tölfræðilegar upplýsingar um kostnað við þennan málaflokk greindar og gerður samanburður á milli sveitarfélaga. Lausnir sem eru í boði á markaði eru kynntar og þær skoðaðar auk þess eru þeir rekstraraðilar sem stærstir eru á þessum markaði kynntir. Umræða og niðurstaða er síðan lokahnykkurinn í þessu verkefni. Lykilorð: úrgangur - flokkun – endurvinnsla– umhverfi –sveitarfélö