Örsaga um þýðingar. Um þýðingu á menningarbundnum atriðum í skáldsögunni Ör eftir Auði Övu Ólafsdóttur

Ritgerð þessi er lokaverkefni til BA-prófs í íslensku sem öðru máli. Viðfangsefnið er ungversk þýðing á broti á skáldsögunni Ör eftir Auði Övu Ólafsdóttur. Ritgerðin er í tveimur meginköflum, greinargerð og þýðing. Í greinar-gerðinni er fjallað um þýðingu á menningarlega bundnum atriðum í textum eða því sem kalla má realíur. Hugtökin realíur og realíuorð eru skilgreind. Jafnframt er rætt um mismunandi þýðingaraðferðir og þýðingarstefnur, einkum þó í sambandi við realíur. Að þessu loknu er þýðingin skoðuð í ljósi þessara hugtaka. Þýðingartextinn fylgir greinargerðinni. Í ritgerðinni eru realíur og realíuorð skoðuð í tengslum við bókmenntaverk. Það er einlæg skoðun höfundar að þær hugmyndir sem byggt er á komi líka þýðendum nytjatexta að notum