Markaðssamskipti með prentmiðlum í hinum stafræna heimi

Með tilkomu stafrænna miðla hafa markaðssamskipti þróast mikið undanfarin ár. Lestur á dagblöðum og tímaritum hefur farið minnkandi. Á sama tíma hefur net- og samfélagsmiðla notkun aukist og í kjölfarið hefur stafræn markaðssetning orðið sífellt vinsælli. Það hefur verið tilfinning margra að árangur markaðssamskipta með prentmiðlum sé ekki eins mikill og hann hefur verið í gegnum tíðina vegna tilkomu stafrænna miðla. Markmið rannsóknarinnar var að kanna hvort að prentmiðlar eigi í ímyndarkrísu eða hvort árangur markaðssamskipta með prentmiðlum hafi í raun og veru minnkað með tilkomu stafrænna miðla. Notast var við eigindlega rannsókn og tekin sex djúpviðtöl við valda sérfræðinga á sviði prentmiðla og markaðssamskipta. Niðurstöður rannsóknarinnar sýndu að prentmiðlar eru ennþá áhrifaríkur miðill til markaðssamskipta og hefur skilvirkni hverrar auglýsingasnertingar ekki minnkað. Enn fremur leiddu niðurstöður í ljós að markaðssamskipti með prentmiðlum hafi meiri áhrif þegar prentmiðlar eru samnýttir öðrum miðlum í markaðsherferð. Þá hentar það ákveðnum fyrirtækjum og vörum betur en öðrum að eiga markaðssamskipti með prentmiðlum