Væntingar og viðhorf foreldra til frístundaheimila

Rannsókn þessi var gerð sem B.A. gráðu verkefni við tómstunda- og félagsmálafræði frá Menntavísindasviði Háskóla Íslands. Markmið með þessari rannsókn er að skoða væntingar og viðhorf foreldra til þátttöku barna þeirra í starfi á frístundaheimilum. Þetta rannsóknarverkefni var valið vegna þess það er lítið sem ekkert búið að rannsaka þessar hliðar af starfinu á frístundaheimilinu. Mikilvægt er að kanna hverjar væntingar og viðhorf foreldrar eru, meðal annars til þess að efla fagstarfið. Til þess að leita svara sendi ég út könnun í gegnum Fésbókina (e. Facebook) og aðeins þeir einstaklingar sem eiga barn á frístundaheimili voru beðin um að svara. Niðurstöður sýna að 90,8% foreldra sem tóku þátt telja að börnin þeirra læri samskipti og félagsfærni á því að taka þátt í starfinu á frístundaheimilinu. Vinna foreldra er helsta ástæða þess að börnin eru skráð á frístundaheimil en önnur helsta ástæða þess að foreldrar skráðu börnin sín á frístundaheimili voru félagslegt gildi (samvera með jafnöldrum og vinum) og að barnið vildi vera á frístundaheimilinu. Niðurstöður sýndu einnig að væntingar foreldra gagnvart frístundaheimilinu væru að barninu þeirra líði vel og að það sé öruggt. Einnig að barnið þeirra fái tækifæri til þess að vera með vinum sínum og jafnöldrum. Foreldrar finnst skipta máli að starfsmenn frístundaheimilanna séu menntaðir í tómstunda- og félagsmálafræði eða öðru uppeldis- og menntunartengdu námi. Frístundaheimili eru ekki ný á nálinni og með áframhaldandi faglegu starfi mun það halda áfram og verða betra og þar að leiðandi njóta meiri virðingu