Hvað langar þig að verða þegar þú verður stór? : rannsókn á framtíðardraumum fatlaðra barna um störf og frama með framboð á íslenskum atvinnumarkaði að leiðarljósi

Þetta verkefni er unnið vorið 2017. Viðfangsefni ritgerðarinnar snýr að framtíðardraumum fatlaðra barna og hvernig íslenski atvinnumarkaðurinn samræmist óskum barnanna. Kannað verður hvað hinn íslenski atvinnumarkaður hefur upp á að bjóða fyrir fatlað fólk og hvort að hann standist væntingar fatlaðra barna um framtíðina sína. Ritgerðin byggir á heimildavinnu og rannsóknarvinnu. Tekin voru viðtöl við 10 börn á aldrinum 10-15 ára sem eru fötluð og taka þátt í sértæku frístundastarfi. Rannsóknin var gerð til að kanna væntingar fatlaðra barna til framtíðarinnar, hvað þau vilja verða þegar þau verða stór og hvort að framboðið á hinum almenna atvinnumarkaði sé nægilegt. Einnig var skoðað hvernig starfsáhugi barna þróast og hvort þroskaþjálfar geti nýtt sérþekkingu sína á sviði starfsáhuga og starfsþróunarferli. Markmiðið með rannsókninni er að sýna fram á að öll börn, fötluð og ófötluð, hafa væntingar og óskir um eigin framtíð og að samfélagið þurfi að vera reiðubúið að taka á móti þeim. Niðurstöður viðtalanna leiddu í ljós að fötluð börn hafa aðrar skoðanir um framtíð sína en það sem í boði á atvinnumarkaðnum fyrir fatlað fólk. Leggja þarf harðar að uppbyggingu atvinnumarkaðsins og gera hann aðgengilegri öllu fólki. Réttindi fatlaðs fólks eru skýr en skortur er á úrræðum