Sjálfstjórn og fjármálavandi: Viljinn til að framkvæma

Fjárhagsvandi hefur ekki aðeins efnahagsleg heldur tilfinningaleg og hugarfarsleg áhrif. Langtíma fjárhagsvandi og tekjuskortur getur leitt til þess að einstaklingar bregðast við aðstæðum með breytingum á hegðun sinni og venjum, til dæmis með því að draga saman í útgjöldum. Slíkt getur valdið skorti og ef slíkur skortur varir í langan tíma getur það leitt til vanlíðunnar og dregið úr viljastyrk einstaklinga. Kynnt er hugtakið sjálfstjórn, hæfileikinn til þess að hafa áhrif á óásættanlega hegðun með því að bregðast við með annarri og ákjósanlegri hegðun. Leitast er við að svara rannsóknarspurningunni: Hefur sjálfstjórn áhrif á fjármálavanda? Markmið ritgerðarinnar er síðan að meta sjálfstjórn sem tæki og hvort það geti sem slíkt hentað í fjármálaráðgjöf fyrir einstaklinga sem glíma við vanlíðan vegna fjárhagsvanda. Niðurstaðan er að sjálfstjórn hefur áhrif á fjármál og að sterk tengsl eru á milli fjármálavanda, tilfinninga og hegðunar einstaklinga. Niðurstaðan sýnir að sjálfstjórn hentar til fjármálaráðgjafar. Í ráðgjöf nýtist sjálfstjórn til að ná fram breytingum á hegðun og tilfinningum einstaklinga á sama tíma og unnið er með fjármálin sem slík. Niðurstöðurnar benda því til að hér geti verið tækfæri fyrir félagsráðgjafa að breikka starfsvettvang sinn til að vinna að úrlausnum með einstaklingum sem glíma við fjárhagsáhyggjur eða fjárhagsvanda. Þekkingin sem til þarf er hrein viðbót við þá þekkingu sem félagsráðgjafinn hefur nú þegar úr námi og starfi og krefst ekki sérþekkingar á sviði fjármála. Með slíkum áherslum í félagslegri fjármálaráðgjöf skapast frekari tækifæri fyrir einstaklinga í fjárhagsvanda að ná tökum á fjármálum sínum ásamt því að skapa sér betri líðan í sínu daglega lífi