Heildstæður stuðningur við jákvæða hegðun. Inngripsmælingar í 8. – 10. bekk í þremur grunnskólum vorið 2012

Árið 2007 hófu þrír grunnskólar í Reykjanesbæ innleiðingu á heildstæðum stuðningi við jákvæða hegðun eða SW-PBS (School-wide positive behavior support). Þetta var gert til að sporna við hegðunarvanda nemenda skólanna. SW-PBS er hegðunarstjórnunarkerfi sem ætlað er að auka lífsgæði ásamt því að draga úr hegðunarvandamálum einstaklinga. Kerfið byggir á þeirri hugmyndafræði að best sé að koma í veg fyrir hegðunarvandamál á þeim tímum sem hegðunin á sér ekki stað og starfsmenn hvattir til að veita æskilegri hegðun jákvæða athygli og notast við viðeigandi afleiðingar þegar um óæskilega hegðun er að ræða. Rannsóknir hafa sýnt að með innleiðingu þessa kerfis dregur úr óæskilegri hegðun og æskileg hegðun eykst. Í þessari rannsókn var hegðun nemenda á efsta stigi grunnskólanna og starfsmanna skoðuð með beinum áhorfsmælingum, en mælingarnar fóru fram á vorönn 2012. Þessi rannsókn er hluti af langtímarannsókn sem hefur staðið yfir frá árinu 2007