Þjóðaröryggisráð Íslands. Markmið, tæki og vinna

Markmiðið með þessari rannsókn er að rannsaka hvernig þjóðaröryggisráð Íslands getur unnið að markmiðum þjóðaröryggisstefnu landsins með þeim tækjum sem það hefur yfir að ráða og hvernig það mun vinna að þeim verkefnum sem koma fyrir það. Við vinnslu á þessari rannsókn var notast við kenningaramma raunhyggjunnar og Kaupmannahafnarskólans út frá öryggisfræðum. Hugtakið þjóðaröryggi var skoðað, sem og hvernig það hefur verið skilgreint út frá fræðunum. Þetta er heimildaritgerð og því voru skoðuð fyrirliggjandi gögn sem tengdust efni rannsóknarinnar. Helstu niðurstöður sem fram komu eru þær að þjóðaröryggisráðið getur unnið að markmiðum þjóðaröryggisstefnunnar með því að eiga í góðu samstarfi við aðrar stofnanir. Þá er ráðið einnig verkfæri til að gera forsætisráðherra kleift að taka betri ákvarðanir og komast að vel ígrunduðum niðurstöðum sem verða þjóðaröryggi landsins til hagsbóta