Spennandi tilraunir um eiginleika efna : leiðbeiningar, vinnuseðlar og myndskeið

Lokaverkefnið mitt er handbók fyrir kennara sem inniheldur 14 tilraunir um eiginleika efna. Í handbókinni er að finna leiðbeiningar fyrir kennara, vinnuseðla fyrir nemendur og geisladiska sem innihalda myndskeið af hverri tilraun. Tilraunirnar henta flestar fyrir nemendur á öllum aldursstigum grunnskólans. Leiðbeiningarnar hafa verið hannaðar með nemendur á unglingastigi í huga, þó þannig að auðvelt er að einfalda efnið fyrir yngri nemendur. Markmið verkefnisins er að auka forvitni og áhuga nemenda á fyrirbærum tengdum eðlis- og efnafræði, einnig að hvetja til umræðna í kjölfar tilraunanna til þess að hjálpa nemendum að tengja nýja fróðleikinn við fyrri reynslu og þekkingu