Staða nemenda af erlendum uppruna í framhaldsskólum á Íslandi

Að flytja til nýs lands er mikil áskorun fyrir fjölskyldu. Hún þarf þá að aðlagast nýrri menningu, samfélagi og tungumáli, sem getur verið mikill streituvaldur fyrir fjölskylduna og samfélagið í heild. Nemendum af erlendum uppruna hefur fjölgað töluvert innan skólakerfisins á Íslandi og heldur áfram að fjölga. Flestir nemendurnir innritast í framhaldsskóla hér á landi en stór hluti erlendra nemenda hverfur frá námi án þess að ljúka því. Íslenska skólakerfið stendur frammi fyrir miklum áskorunum varðandi það að tryggja öllum nemendum sem besta menntun óháð þjóðerni og uppruna. Í þessari ritgerð er fjallað um stöðu nemenda af erlendum uppruna og þær áskorarnir sem þeir standa frammi fyrir í íslenskum framhaldsskólum. Einnig er skoðað hvernig samstarf milli stofnana getur dregið úr brotthvarfi. Rannsóknir hafa leitt í ljós að staða nemenda af erlendum uppruna er almennt verri en staða innlendra nemenda. Erlendir nemendur virðast eiga erfitt uppdráttar í framhaldsskólum á Íslandi, og hér á eftir eru færð rök fyrir því að orsakirnar séu einkum skortur á tungumálakunnáttu, skortur á nánum vináttusamböndum og ónóg samskipti á milli stofnana