Ferðalangar í eigin heimabyggð : greinargerð með verkefnasafni úr sögu Reyðarfjarðar

Markmið þess verkefnasafns, sem ég hef sett saman í lokaverkefni mínu til B.Ed. prófs í grunnskólakennarafræðum við Háskóla Íslands, er að gera kennurum við Grunnskóla Reyðarfjarðar kleift að ganga að staðfærðum verkefnum um heimabyggðina vísum. Þar sem ég er lærður svæðisleiðsögumaður finnst mér áhugavert að nota þá nálgun við sum verkefnanna að kennarinn sé í hlutverki leiðsögumanns. Lokaverkefni þetta samanstendur af greinargerð og verkefnasafni. Flest verkefnin í safninu eiga það sameiginlegt að til að vinna þau þurfa nemendur að fara út á vettvang og tengjast efninu þannig. Fjölbreytnin í úrvinnslu verkefnanna er mikil. Þar sem sagan er ekki alltaf sýnileg er stuðst við myndir og kort til að gera verkefnin áþreifanleg fyrir nemendur. Með þessu móti er ég að vinna eftir hugmyndum Howards Gardner um fjölgreindir og fræðimannanna John Dewey og Jean Piaget sem aðhylltust kenningar um hugsmíðihyggju