Þjónandi leiðsögn. Umönnun aldraðra

Umfjöllunarefni ritgerðarinnar er aðferð sem nefnist þjónandi leiðsögn og hvernig má styðjast við hana við umönnun fólks sem þjáist af Alzheimers sjúkdómnum en byrjað verður á að fjalla um félagsráðgjöf og stuttlega farið yfir þróun hennar hér á landi. Ásamt almennri umfjöllun um aðferðina og hvernig hún nýtist við umönnun Alzheimers-sjúklinga verður farið yfir kosti hennar og galla. Einnig veður fjallað almennt um heila-bilanir og Alzheimers sjúkdóminn og hvað það er sem skilgreinir Alzheimers sjúkdóminn frá öðrum heilabilunarsjúkdómum. Að lokum verður svo fjallað um aðrar aðferðir sem notast er við umönnun heilabilaðra og þá aðallega Alzheimerssjúklinga hér á landi. Heilabilun er sívaxandi vandamáli í heiminum í dag og það er fátt sem bendir til annars en að svo verði áfram. Því er mikilvægt að koma til móts við þá einstaklinga sem greinast með einhvers konar heilabilun á sem mannúðlegastan hátt. Ásamt þjónandi leiðsögn verður komið inn á það hvernig félagsráðgjafar geta nýst þeim sem hafa greinst með Alzheimers sjúkdóminn