Við hvaða aldur geta börn borið skaðabótaábyrgð í íslenskum rétti og hvernig fer matið fram

Almennt gerir fólk sér ekki grein fyrir að börn geti borið ábyrgð á eigin tjóni og verið dæmd til skaðabótaábyrgðar. Ekki er sértækum reglum til að dreifa á sviði skaðabótaréttar sem eiga við börn, því eiga sömu skilyrði við um börn og fullorðna þegar meta á saknæmi. Hvert tilvik er ólíkt en til þess að meta saknæmi barna er horft til þess hvað venjulega þroskað barn á sama aldri og sá sem olli tjóninu hefði gert við sambærilegar aðstæður. Rýnt er í dóma er varða skaðabótamál barna jafnt sem skrif fræðimanna. Þar sem íslensku skaðabótalögin eru að stórum hluta innleiddar frá Danmörku eru niðurstöður danskra dómstóla bornar saman við íslenska dómstóla