Rokkað gegn kvíða : tónlistartengt námskeið

Lokaverkefnið „Rokkað gegn kvíða“ samanstendur af fræðilegri greinagerð annars vegar og kennsluefni fyrir námskeið hins vegar ásamt ítarlegri námskeiðslýsingu. Námskeiðið er fyrir allt að sex 13-16 ára unglinga. Í námskeiðinu læra þátttakendur vináttufærni og fá tækifæri til að æfa sig í samskiptum í öruggu umhverfi. Einnig læra þátttakendur að spila á hljóðfæri, trommur, gítar, bassa og píanó, og æfa saman eitt lag. Unnið er að markmiðum námskeiðsins í gegnum samræður, ígrundun og fleira. Námskeiðslýsingu og kennsluefni má finna í fylgiskjölum. Fræðilega greinargerðin er rökstuðningur fyrir námskeiðinu og uppbyggingu þess. Fyrst er námskeiðið sett í fræðilegt samhengi innan tómstundafræðinnar. Því næst er fjallað um þunglyndi, kvíða og félagsfælni og hvernig má nota tónlist og sértækt hópastarf til að sporna gegn einkennum þessara kvilla. Að lokum er farið yfir þátt tónlistarinnar, það er, hvernig er best að beita henni í hópastarfi, bæði í umræðuþætti námskeiðsins sem og þeim verklega. Rannsóknir sýna að þunglyndi, kvíði og félagsfælni eru vaxandi vandamál í dag og því er mikilvægt að grípa inn í áður en vandamálið verður of mikið. Tónlist er kjörinn vettvangur til þess að liðka fyrir umræðum og hjálpa einstaklingum að skoða sitt eigið sálarlíf