Markviss nýting á upphitun í knattspyrnu

Verkefninu er skipt í tvo hluta, annars vegar fræðilegan bakgrunn og hins vegar handbók með æfingum sem hægt er að nýta í upphitun í knattspyrnu. Fræðilegi kaflinn fjallar um líkamlegar kröfur í knattspyrnu, þjálfun á þeim þáttum og hvernig hægt er að innleiða þá þjálfun inn í upphitun. Í verkefninu verður fjallað um þær líkamlegu kröfur sem gerðar eru til leikmanna í knattspyrnu og hvernig hægt er að nýta tímann í upphitun til þess að bæta þá þætti. Meðfylgjandi handbók fjallar um hvern þátt fyrir sig og sýnir mismunandi æfingar sem hægt er að gera í upphitun. Markmið æfinganna er bæði að hita upp líkamann en einnig að auka afköst leikmanna. Hverri æfingu í handbókinni er lýst, markmið æfinganna tiltekin með myndum og þá er tengill inn á Youtube sem sýnir framkvæmd æfinganna í myndbandsformi. Markmiðið með verkefninu og handbókinni er að opna hug þjálfara og leikmanna í knattspyrnu í að nota upphitun á markvissari hátt. Algengt er að nota upphitun eingöngu í að hita líkamann upp fyrir komandi æfingu eða leik, en tímann mætti nýta t.d. í styrkjandi æfingar. Dæmi um þetta er að nota hnébeygju (e. Air Squat) til að hita upp fætur en um leið eru hnébeygjurnar styrkjandi fyrir fæturna