Námskeiðslýsing á námskeiði fyrir umsjónarmenn

Þetta BA verkefni ber heitið Forysta, fagmennska, fórnfýsi – Alveg frá grunni. Verkefnið er þríþætt og samanstendur af handbók fyrir unglinga í unglingadeildum Slysavarnafélagsins Landsbjargar, kennsluleiðbeiningum fyrir námskeið umsjónarmanna unglingadeilda og síðan þessi greinargerð. Í handbók unglinga má finna grunnupplýsingar fyrir unglingana um starfið hjá Slysavarnafélaginu Landsbjörg og síðan eru þau námskeið og verkefni sem áætluð eru fyrir unglingana á þeim fjórum árum sem þau starfa í unglingadeildum ásamt ferilskráningu. Í kennsluleiðbeiningunum er farið yfir hvernig námskeiðið skal uppbyggt. Í námskeiðinu er fjallað um efnislega hvað þurfi að hafa í huga við þegar einstaklingar taka að sér að vera umsjónarmenn unglingadeilda Slysavarnafélagsins Landsbjargar. Fræðsla um úti-, ævintýra- og reynslunám er sett fram á námskeiðinu. Greinargerðin er svo fræðileg umfjöllum um efnið, byggð á heimildum og er undirstaða verkefnisins í heild, þar sem farið er í fræðilegan kafla um reynslunám og ígrundun með áherslu á úti- og ævintýranám. Aðalmarkmiðið með verkefninu er að stuðla að samræmingu, í starfi unglingadeilda Slysavarnafélagsins Landsbjargar