Hreyfing og leikur á leikskólalóð

Hér er fjallað um hreyfingu og leik barna á leikskólalóð. Virkni barna í útiveru er mismikil og leitast er við að skoða hvaða áhrif umhverfi hafi á virkni barna á leikskólalóð. Hreyfing er stór þáttur í lífi og þroska barna og því er mikilvægt að rými og umhverfi bjóði upp á fjölbreytta hreyfingu þar sem börn geta reynt á styrk sinn og færni. Kennarar gegna mikilvægu hlutverki í leikskóla og eru fyrirmyndir barna, litið er til þátttöku kennara í leik og hreyfingu barna á leikskólalóð. Í ritgerðinni er fjallað um verkefni þar sem börn fá tækifæri til að taka þátt í breytingum á sínum leikskólalóðum, með því fá þau að hafa áhrif á umhverfi sitt í samstarfi við fagaðila