Job satisfaction

Í þessari ritgerð er leitast við að varpa ljósi á spurninguna hvað hefur áhrif á starfsánægju? Starfsánægja er hugtak sem mikið hefur verið rannsakað og snýst einfaldlega um það hversu ánægt fólk er með starf sitt. Fjallað er um tvær kenningar um starfsánægju, misræmiskenningu og tvíhyggjukenningu. Þar á eftir er fjallað um einstaka þætti sem rannsóknir hafa bent til að hafi áhrif á starfsánægju. Þessir þættir eru laun, umbunanir og stöðuhækkanir, eðli vinnu, stærð fyrirtækis, vinnuaðstæður, starfsöryggi og samskipti. Einnig eru ánægðar og óánægðar starfstéttir skoðaðar í ljósi kenninganna og þáttanna. Helstu niðurstöður ritgerðarinnar eru að kenningarnar tvær fá stuðning og þeim ber saman um margt. Þættirnir virðast allir hafa áhrif á starfsánægju, miðað við rannsóknir. Eðli vinnu og samskipti eru mikilvægustu þættirnir. Af þeim þáttum sem falla undir eðli vinnu þá er sjálfræði með því mikilvægasta