Ráðningar í mannauðsstjórnun

Þessi ritgerð fjallar bæði um mannauðsstjórnun og ferli innan hennar sem kallast ráðningar. Það er ekki einfalt að útskýra hugtakið mannauðsstjórnun því fræðimenn eru ekki allir sammála um það. Þessi ritgerð mun fjalla um hvernig mannauðsstjórnun kom til, hvernig hún er nýtt í dag og hvaða áhrif hún hefur. Fjallað verður um fjögur grunnhlutverk í mannauðsstjórnun í þeim tilgangi að skilja hlutverk hennar og mikilvægi. Mannauðsstjórnun hefur það markmiði finna og þróa besta fólkið fyrir hvert starf, án tillits til bakgrunns, stöðu í samfélagi eða kyns. Þess vegna eru ráðningar gríðarlega mikilvægur hluti af mannauðsstjórnun og mun þessi ritgerð útskýra hvers vegna, hvað þarf að gera og hvernig skal nýta ráðningar á afkastamikinn máta