Samtöl og stærðfræðinám. Fræðileg umfjöllun og hagnýtar upplýsingar

Þessi ritgerð er lokaverkefni undirritaðra til B.Ed. – prófs. Markmið ritgerðarinnar er að varpa ljósi á mikilvægi samtala í stærðfræðinámi. Hugmyndafræðin, sem lögð er til grundvallar um samtöl milli kennara og nemenda og nemenda sín á milli í stærðfræðinámi, er sú að nemendur þurfi að ræða um lausnir sínar, að allir geti orðað hugsanir sínar þannig að nemandinn hafi góðan grunn að byggja á í áframhaldandi námi. Sjónum verður beint að því hvað fræðimenn hafa um þetta efni að segja og hvað kemur fram í rannsóknum. Nokkrar tegundir samtala eru rannsakaðar svo og stærðfræðinámið. Helstu niðurstöður okkar eru þær að auka þurfi þátt umræðunnar í skólastofunni til muna. Þessu þyrfti að fylgja eftir við gerð þrepamarkmiða í aðalnámskrá grunnskóla