Viðhorf leikskólastjórnenda til starfa þroskaþjálfa í leikskólum

Eftirfarandi ritgerð er unnin með það fyrir augum að skoða viðhorf leikskólastjórnenda til starfa þroskaþjálfa í leikskólum. Niðurstöður rannsóknarinnar byggja á eigindlegri rannsóknaraðferð. Þátttakendur voru fjórir leikskólastjórnendur sem starfa allir sem leikskólastjórar á höfuðborgarsvæðinu. Viðtölin voru í samtalsformi og stuðst var við opinn spurningalista. Markmið rannsóknarinnar var að varpa ljósi á viðhorf leikskólastjóra gagnvart störfum þroskaþjálfa innan leikskólanna. Leitast var við að tengja viðfangsefni rannsóknarinnar við fræðilega umfjöllun um skóla án aðgreiningar, sérkennslu, ólík sjónarhorn á fötlun, þróun þroskaþjálfa stéttarinnar og samvinnu fagstétta. Niðurstöður rannsóknar leiddu í ljós að þeir leikskólastjórnendur sem tóku þátt í rannsókninni eru ánægðir með störf þroskaþjálfa innan leikskólanna. Þeir telja menntun og sérþekkingu þeirra vera góða viðbót við þá þekkingu sem leikskólakennarar hafa. Leikskólastjórnendum finnst mikilvægt að fá stuðning og leiðsögn frá þroskaþjálfum og telja að samstarf þroskaþjálfa við annað starfsfólk sé mjög gott. Á heildina litið eru þessar niðurstöður taldar jákvæðar fyrir þroskaþjálfastéttina í heild sinni. Í ritgerðinni er fjallað um gagnsemi þessara niðurstaðna en þær má meðal annars nota til að sýna fram á mikilvægi þess að þroskaþjálfar séu starfandi innan leikskólanna og einnig hversu gagnlegt nám þroskaþjálfa er og hversu vel það getur nýst innan leikskólans