Tvítyngd börn : um tvítyngi og hvernig hægt er að koma til móts við þau börn í skólastarfi

Í þessari ritgerð mun ég fjalla um tvítyngi og hvernig hægt er að koma til móts við tvítyngd börn í skólum landsins. Ég mun leggja sérstaka áherslu á börn sem eru aðflutt til Íslands og hafa því annað móðurmál en íslensku. Ég mun einnig ræða hvernig það gagnast þeim að halda í móðurmál sitt samhliða því að læra íslensku. Ég mun fjalla um hvernig foreldrar og skólinn geti hjálpa til við að aðstoða þessa nemendur bæði með samvinnu og sitt í hvoru lagi. Í lokin fjalla ég um nokkrar aðferðir sem hægt er að nota í kennslu tvítyngdra barna svo að þau geti nýtt tungumál sitt samhliða því að læra íslensku. Markmiðið með ritgerðinni er að aðstoða kennara sem fá til sín erlenda nemendur að taka rétt á málum þannig að þau fái jafna kennslu á við aðra nemendur skólans