Árveknimiðuð hugræn meðferð við sjúklegum kvíða. Frumraun á Íslandi

Tilgangur þessa verkefnis var að athuga árangur af árveknimiðaðri hugrænni meðferð við kvíða á Íslandi. Þátttakendur í rannsókninni voru 41 talsins, allir með kvíðaröskun af einhverju tagi. Þeim var vísað í meðferðina af fagaðilum á Landspítala Háskólasjúkrahúsi. Meðlimir úr sex meðferðarhópum voru þátttakendur í rannsókninni og stóð hver meðferðareining yfir í 8 vikur. Tímar voru vikulega, tvo tíma í senn. Niðurstöður leiddu í ljós marktæka lækkun á kvíða- og þunglyndiseinkennum, áhyggjum og neikvæðum sjálfvirkum hugsunum. Marktækan mun var ekki að finna á matslistum sem mæla færni í árvekni eða hugrænan sveigjanleika. Fylgni milli meðferðarárangurs og lýðfræðilegra breyta, sem og við mat þátttakenda á námskeiðnu að því loknu er skoðuð