Áhrif tvítyngis á vitsmuna- og málþroska barna

Lengi var talið að nám tveggja tungumála frá unga aldri hefði skaðleg áhrif á málþroska barna. Einnig var því stundum haldið fram að þessi aukaáreynsla á heila þeirra gerði það að verkum að þau næðu ekki að læra margt annað sem börn ættu að læra, tvítyngi hefði því neikvæð áhrif á vitsmunaþroska. Rannsóknir upp úr 1960 sýna þó að áhrif tvítyngis á mál- og vitsmunaþroska barna eru jákvæð. Samanborið við eintyngda jafnaldra sína eru tvítyngd börn ekki seinni til máls, þau læra að minnsta kosti annað tungumálið á við eintyngd börn, ná tímamótum í málþroska á sama tíma og þau og skilja hlutverk og eðli tungumála fyrr en eintyngdir jafnaldrar. Í ritgerðinni verður farið yfir þessar rannsóknir og þær skoðaðar til dæmis út frá því hvort foreldrar hafi sama móðurmál og er ríkjandi í samfélaginu. Í lokin eru svo gefnar ábendingar um hvernig hjálpa skal barni að verða tvítyngt