Vörumerkjavirði fasteignasölu. Rannsókn á sviði fasteignasölumarkaðs á Íslandi

Við val á fasteignasölu er margt sem að getur haft áhrif á val neytenda. Fasteignasala er því mjög áhugavert viðfangsefni sem vert er að skoða, því flestir munu eiga í viðskiptum við fasteignasölu einhvern tímann á sinni ævi. Þegar kemur að einhverju jafn mikilvæglegu og fasteignasölu, er áríðandi að fólk skynji gæði og virði fasteignasölunnar og að fasteignasalinn vinni sér inn traust hjá viðskiptavinunum. Vörumerki þjónustufyrirtækja eru mjög flæðandi fyrirbæri, þar sem að þjónusta getur ekki verið stöðluð í hvert skipti. Því hefur það mikið að segja um virði vörumerkisins hvernig álit neytenda er á vörumerkinu. Í þessu verkefni var farið yfir nokkur fræðileg hugtök í vörumerkjastjórnun, sem snéru þó mestmegnis að því virði sem fyrirtæki skapar með vörumerki sínu. Helstu niðurstöður verkefnisins voru að fasteignasala hefur verið á mikilli uppleið síðustu misseri, og því er tímabært að sækja á markaðinn. Niðurstöður sýndu að neytendur á fasteignasölumarkaði styðjast einna helst við internetið til að leita sér bæði að eignum til kaupa, sem og fasteignasölum til að stunda viðskipti við. Settar voru fram tvær rannsóknarspurningar sem snúa að fasteignasölu og þar var fyrst og fremst skoðað fasteignasöluna Miðborg. Eftir að úrvinnslu rannsóknarinnar var lokið og umræður voru gerðar um niðurstöður hennar, voru eigendum fasteignasölunnar kynntar ábendingar um hvernig haga eigi komandi markaðssókn þeirra á fasteignasölumarkaðnum.Vegna persónuupplýsinga og viðkvæmra gagna verður ritgerðin lokuð í 10 ár