Áhrif vímuefnaneyslu foreldra á uppeldi barna

Ritgerð þessi er lokaverkefni til B.A.- prófs í félagsráðgjöf við Háskóla Íslands. Ritgerðinni er ætlað að varpa ljósi á áhrif þess að alast upp við vímuefnaneyslu foreldra. Lagt var upp með að skoða hvaða afleiðingar það getur haft fyrir börn að alast upp við vímuefnaneyslu foreldra og hvort vímuefnaneysla foreldra hafi áhrif á uppeldishætti þeirra. Fjallað er um ákveðin vímuefni og hvaða áhrif þau geta haft á getu foreldra til þess að ala upp börn, hvaða áhrif vímuefnaneyslan hefur á börnin og hversu mikilvægur stuðningur er fyrir foreldra sem eru vímuefnaháðir og fjölskyldur þeirra. Helstu niðurstöður ritgerðarinnar eru þær að vímuefnaneysla foreldra hefur áhrif á uppeldi barna þeirra og að þörf er á auknum stuðningi og aðstoð við þær fjölskyldur þar sem annað eða báðir foreldrar glíma við vímuefnafíkn. Hér á landi hefur lítið verið rannsakað hvaða áhrif vímuefnaneysla foreldra hefur á uppeldi barna og því er þessi ritgerð að mestu byggð á erlendum rannsóknum