Um hvað snýst þagnarskylda?

Í þessu lokaverkefni til BS gráðu í viðskiptalögfræði er ætlunin að kanna hvað þagnarskylda er, hver er tilgangur þagnarskyldu, hver gildandi réttur er varðandi þagnarskylduna, og kanna hvort um sé að ræða takmarkanir á henni eða frávik? Í framhaldi af því er vert að skoða siðareglur og lagareglur og skilja þann mun sem þar er á, en einnig verður til skoðunar hvar þessar reglur fara inn á svið hvors annars. Margar stéttir í þjóðfélaginu vinna undir ákvæðum þagnarskyldu. Í þessu verkefni skoða ég aðallega þau þagnarskylduákvæði sem prestar, lögmenn og læknar vinna undir. Í 71. gr. stjórnarskrárinnar er kveðið á um friðhelgi einkalífs okkar manna, ekki má skerða á neinn hátt þessa friðhelgi og þessi grein er undirstaða þagnarskyldunnar sem þegnar landsins eiga rétt á