Þeir óþekku: Staða fyrirtækjafrumkvöðla í íslenskum fyrirtækjum og sýn þeirra á nýsköpun

Fyrirtækjafrumkvöðull (e. intrapreneur) er hugtak sem hefur verið að ryðja sér rúms síðan á áttunda áratug síðustu aldar og er notað yfir þá einstaklinga sem sinna frumkvöðlastarfi innan stórfyrirtækja. Markmið þessarar rannsóknar er að skoða einkenni íslenskra fyrirtækjafrumkvöðla með hliðsjón af persónuleika og sjálfsmynd, hvaða merkingu þeir leggja í hugmyndina um fyrirtækjafrumkvöðulinn og hver er sýn þeirra á nýsköpun innan íslenskra fyrirtækja. Gerð var eigindleg rannsókn þar sem tekin voru viðtöl við níu íslenska fyrirtækjafrumkvöðla sem starfa eða hafa starfað í ólíkum fyrirtækjum með nýsköpunarstefnu. Helstu niðurstöður sýndu að viðmælendur með óskilgreindari stöðu áttu erfiðara uppdráttar en þeir viðmælendur sem báru formlegt stöðuheiti tengt nýsköpun. Þeir með óskilgreindari stöðu komu jafnframt úr fyrirtækjum sem lögðu minni áherslu á nýsköpun í verki og skilningur og viðmót annarra starfsmanna á starfi þeirra var ekki jafn mikill. Að sama skapi mættu hugmyndir þeirra og framlag meiri mótspyrnu af hálfu fyrirtækisins. Rannsóknin sýnir að fyrirtæki þurfa að skilgreina og úthluta stöðugildum til að sinna nýsköpun og kynna þau sem slík fyrir starfsmönnum sínum. Þó skyldi fara varlega í að alhæfa um niðurstöður og fleiri rannsókna er þörf á efninu. Framlag þessarar ritgerðar er að undirstrika betur mikilvægi og hlutverk fyrirtækjafrumkvöðla og hvetja fyrirtæki til að styðja betur við störf þeirra. Mikilvægi rannsóknarinnar felst ekki síst í þeirri sérstöðu, að ekki hafa verið gerðar íslenskar rannsóknir á fyrirtækjafrumkvöðlinum sem afmörkuðum hluta nýsköpunar innan fyrirtækja. Það er mikilvægt að skilja eðli hans og inntak svo hægt sé að ná betur utan um og móta starfssvið hans til að fyrirtæki geti með því móti nýtt sér framlag og þekkingu fyrirtækjafrumkvöðla til fulls.This thesis is about a study conducted on Icelandic intrapreneurs. The concept of intrapreneurship is a growing field within theories of entrepreneurship and innovation and defined as the act of behaving like an entrepreneur, while working within a large company. The aim of this research is to examine the characteristics of Icelandic intrapreneurs, how they translate the concept of the intrapreneur and their different perspectives on innovation within Icelandic companies. A qualitative research was conducted where nine individuals were interviewed. The results indicated that intrapreneurs with less defined job titles experienced more difficulties with intrapreneurship than others. The companies they worked for did not follow their innovation policy through as accurately, and understanding received from other staff members was less. The results of this study are one of a kind since no research on the subject has been realized in Iceland. Therefore it gives an important indication about the status of entrepreneurs working within large companies in Iceland. It is important for companies to gain better knowledge about the nature of the intrapreneur to be able to understand him better. By doing so companies can learn to support and understand those individuals that play an important role in a company's growth and competitiveness