Atvinnuleysi meðal karla og kvenna: Umfang, afleiðingar og úrræði

Í þessari ritgerð er fjallað um atvinnuleysi, umfang þess, afleiðingar og úrræði fyrir karla og konur. Fjallað er um vinnuviðhorf, umfang atvinnuleysis og rétt einstaklinga til atvinnuleysisbóta bæði hér á landi og erlendis. Gerð er grein fyrir efnahagslegum, félagslegum og heilsufarslegum afleiðingum atvinnuleysis fyrir einstaklinga, en það hefur sýnt sig að afleiðingar atvinnuleysis eru umfangsmiklar og í nær öllum tilvikum neikvæðar. Sérstaklega er fjallað um afleiðingar atvinnuleysis eftir kynjum, en rannsóknir benda til þess að karlar verði fyrir verri efnahagslegum, félagslegum og heilsufarslegum afleiðingum af völdum atvinnuleysis en konur. Þá er jafnframt fjallað um þau fjölbreyttu vinnumarkaðsúrræði sem í boði eru fyrir atvinnulausa sem og mikilvægi félagslegs stuðnings og samhjálpar. Niðurstaða höfunda er sú, að nauðsynlegt sé að veita atvinnulausum einstaklingum félagslegan stuðning og aðstoð í formi úrræða með það að markmiði að minnka eða jafnvel koma í veg fyrir hinar miskunnarlausu afleiðingar atvinnuleysis