Griptækni til greiningar kítínasa og kítínbindandi prótína

Genis hf fær þakkir fyrir að skaffa bæði bindil og fæðulausn.Verkefnið felur í sér smíði á gripefnum og skoðun á hæfni þeirra til þess að binda kítínasa og kítínbindandi prótín úr ræktunarvökva sveppsins T.Emersonii. Forhreinsun er gerð á vökvanum með því að nota ammoníum súlfat fellingu og skoðað verður með rafdrætti samsetningu prótínanna í lausninni. Í ljós kom að fæðulausnin innihélt prótín með mólmassa á bilinu 130-15 kDA, og mest af prótínum sem hafa mólmassa á bilinu 59 til 20 kDa. Gripefnin þrjú sem voru smíðuð voru öll með T-ChOS (Chitooligomers) tengil en með mismunandi griparma (spacer). Það gripefni sem reyndist vera best var AC2 sem er þríklóróþríazín virkjaður Sepharósi. Reyndist bindigeta hans vera um 1 mg prótíns fyrir 1 g stoðefni. FPLC tæki frá Pharmacia Biotech var notað til þess að skima fyrir prótínum í lausninni og rafdráttur var framkvæmdur til þess að skoða stærðir prótína sem bindast á griphópana. Í ljós kom að gripefnin þrjú voru að binda prótín sem voru með mólmassana 58, 38, 36, 34 og 25 kDa. Gripefnin eru því að binda þau prótín sem mest er af í lausninni