Fæðingarþunglyndi. Endurmat á vinnuleiðbeiningum með EPDS kvarðanum

Tilgangur þessarar ritgerðar er að endurmeta vinnureglur vegna skimunar með Edinbor-garþunglyndiskvarðanum (EPDS) á Heilsugæslustöðvum á Íslandi á grundvelli nýjustu vísindarannsókna. Álit hjúkrunarfræðinga á heilsugæslustöðvum er tekið til greina ásamt þeirra hugmyndum um endurbætur á fyrirlagningunni. Hjúkrunarfræðingar eru í lykilaðstöðu til að skima fyrir fæðingarþunglyndi og er mikilvægt að taka mið af þeirra sjónarhorni um hvað bæta megi í meðferð kvenna með fæðingarþunglyndi. Fæðingarþunglyndi er skilgreint eins og þunglyndi almennt, allt frá vægu til alvarlegs þunglyndis á fyrsta ári eftir barnsburð. Fæðingarþunglyndi er algengara vandamál en margan grunar því talið er að 10-15% mæðra um allan heim þjáist af sjúkdómnum. Í ritgerðinni er fjallað um fæðingarþunglyndi almennt, greiningu, skimun, skimunartæki, íhlutanir, klínískar leiðbeinin¬gar og tillögur að breytingum. Á Íslandi virðist ofangreindum vinnureglum vera fylgt vel eftir fyrst eftir barnsburð en því verði ábótavant seinna í ferlinu og eftirfylgd ófullnægjandi að sögn hjúkrunarfræðinga. Leiddi samantektin í ljós að æskilegt væri að leggja kvarðann fyrir fyrr í ferlinu og jafnvel oftar í því skyni að fá betri samanburð á líðan mæðra fyrsta árið eftir barnsburð. Góður kostur væri að útbúa meðferðaráætlun fyrir konur sem eiga í hættu að fá fæðingarþunglyndi og stuðla þannig að auknu aðhaldi. Lykilorð: Fæðingarþunglyndi, EPDS-kvarðinn, skimun, endurmat, eftirfylg