Álfhólar - Burðarþolshönnun stálgrindarhúss

Verkefnið felst í hönnun 920 m2 stálgrindarhúss sem hýsir 17 x 30m reiðhöll og hesthús fyrir lágmark 38 hesta. Það er staðsett á bænum Álfhólum í Vestur-Landeyjum þar sem stunduð er umfangsmikil hrossarækt og tamningar og þjálfun á hestum. Húsið var byggt til að skapa betri og nauðsynlegar aðstæður til að geta starfað með góðum árangri við þessa grein sem aðal atvinnu allt árið. Farið verður í hönnun og þolútreikninga á helstu þáttum aðal burðarvirkisins en þeir eru stálrammar, festingar stálramma, gaflstoðir, vindstífingakerfi, súluundirstöður og sökkulveggir. Markmið verkefnisins er að öðlast þjálfun í að nýta það sem kennt hefur verið í þessu námi, bæta við þekkingu og fá betri innsýn inn í alla þætti sem þarf að hafa í huga við hönnun mannvirkja