Stuðningur við jákvæða hegðun: Beinar áhorfsmælingar í 4.-10.bekk í þremur grunnskólum haustið 2012

Þessi rannsókn er hluti af langtímarannsókn á árangri stuðnings við jákvæða hegðun (PBS) í þremur grunnskólum í Reykjanesbæ. Í þessum hluta rannsóknarinnar var gögnum safnað með beinum áhorfsmælingum sem hluti af mati á árangri PBS kerfisins í skólunum. PBS er þriggja þrepa forvarnarlíkan til að taka á óæskilegri hegðun og auka æskilega hegðun nemenda. Sterkar vísbendingar eru til um árangur kerfisins. Þátttakendur voru 799 nemendur og 209 starfsmenn. Nemendur voru í 4.-10. bekk. Þar sem þessi rannsókn er aðeins hluti af langtímarannsókn þá er ekki hægt að draga ályktanir um árangur PBS kerfisins eingöngu út frá henni. Þó má benda á að á almennum svæðum skólanna veittu starfsmenn nemendum sjaldnar jákvæða athygli í öllum skólunum á báðum stigum og óæskileg hegðun nemenda hefur aukist í samanburði við fyrri mælingar frá vorinu 2011