Draumurinn um frelsi: Hlutverk Ísraels og Palestínu á sviði hins félagslega leikrits

Þessi ritgerð fjallar um hið flókna ástand sem hefur myndast milli Ísraels og Palestínu. Farið verður yfir trúarlegan grunn sögunnar, aðkomu Breta að stofnun Ísraels og hugmyndafræði síonisma sem er pólitísk hreyfing gyðinga. Farið verður yfir hugtökin þjóð, þjóðerni og lýðveldi og komist að þeirri niðurstöðu að í Ísrael ríki ekki fullt lýðræði heldur það sem kalla mætti þjóðernisveldi (e. ethnocracy.) Samsemdarpólitík Palestínumanna og gyðinga er skoðuð og borin kennsl á þá þætti sem eru sameiginlegir hjá hópunum. Þeir þættir eru meðal annars Helförin hjá gyðingum og afleiðingar stríðsins 1948 sem Palestínumenn nefna al-Nakbah. Fjallað verður um aðgerðir ísraelskra yfirvalda í garð Palestínu út frá hugtakinu rýmiseyðing sem felur í sér kerfisbundna eyðileggingu og aðskilnað. Komist er að þeirri niðurstöðu að Ísrael hefur með stefnu sinni verið að beita Palestínumenn rýmiseyðingu og lagt er til í lok ritgerðarinnar að bætt verð nýrri vídd á hugtakið svo hægt sé að rannsaka afleiðingar af aðgerðum Ísraela. Lagt er til að sú vídd verði kölluð hagræn rýmiseyðing