Réttarstaða fatlaðs fólks: Vinnumarkaður og atvinnutengd úrræði

Á síðustu árum hefur áhersla á jafna þátttöku fatlaðs fólks í samfélaginu án aðgreiningar verið mikið á milli tannnana á fólki. Að hafa atvinnu eykur sjálfsöryggi fólks og stuðlar að því að fólki líði eins og það sé hluti af samfélaginu. Markmið þessarar ritgerðar er að varpa ljósi á réttarstöðu fatlaðs fólks á Íslandi með áherslu á atvinnumál og greina frá þeim úrræðum sem fólk getur nýtt sér til þess að komast inn á vinnumarkað. Þar að auki verður greint frá stefnu Dana í þessum málefnum, rætt um hvernig Ísland stendur í samanburði við Danmörku og hvort eitthvað megi betur fara. Niðurstöður þessarar ritgerðar benda til þess að réttarstaða fatlaðs fólks á Íslandi sé sterk, sér í lagi þegar kemur að atvinnumálum. Mikil áhersla er á jöfn tækifæri til að starfa á almennum vinnumarkaði og mörg og fjölbreytt úrræði starfrækt víðs vegar um landið þess að fatlað fólk hafi kost á að starfa við það sem það kýs. Í Danmörku er lagasetningin svipuð og mörg lík úrræði í boði fyrir fólk. Atvinnuþátttaka fatlaðs fólks í Danmörku er þó talsvert meiri en hérlendis en á hinn bóginn er atvinnuþátttaka ófatlaðs fólks meiri á Íslandi en í Danmörku