Þróun vinnutíma á Íslandi. Eru Íslendingar enn þrælar yfirvinnunnar?

Lögbundin vinnuvika á Íslandi er 40 klukkustundir. Þrátt fyrir þessi lög hafa Íslendingar, í gegnum árin, verið að vinna yfir 40 stundir á viku í fullu starfi. Miðað við önnur Norðurlönd eru Íslendingar að vinna flesta tíma á viku í fullu starfi. Þegar litið er til hlutastarfa eru þeir að vinna svipað marga tíma á viku og önnur Norðurlönd. Í þessari ritgerð er fjallað um þróun vinnutíma á Íslandi á árunum 1991-2013. Vinnutími er skoðaður út frá fullu starfi og hlutastarfi. Bakgrunnsbreyturnar kyn, aldur, menntun og búseta eru sérstaklega skoðaðar í sambandi við vinnutíma. Notast er við gögn frá Hagstofu Íslands til að skoða þessa þróun. Athugunin leiðir í ljós að vinnutími í fullu starfi á Íslandi er meiri en 40 tímar. Þróunin sýnir þó að fjöldi vinnutíma á viku fer fækkandi. Einnig kemur í ljós að ákveðnir hópar innan samfélagsins eru líklegri en aðrir til að vinna við hlutastörf. Þeir sem vinna helst við hlutastörf á Íslandi eru konur, 16-25 ára einstaklingar, grunnmenntaðir og einstaklingar búsettir á höfuðborgarsvæðinu