Ofbeldi gagnvart barnshafandi konum

Ofbeldi innan náinna sambanda er samfélagslegur vandi sem er oft frekar falinn. Hins vegar tíðkast það í mun meiri mæli en einstaklingar gera sér almennt grein fyrir. Ritgerð þessi fjallar um það ofbeldi sem á sér stað gagnvart konum í nánum samböndum á meðgöngu þeirra. Ofbeldi sem á sér stað á meðgöngu getur haft fyrir konuna og barnið sem hún gengur með alvarlegar afleiðingar. Ofbeldi af þessu tagi er falið og þekkist þar af leiðandi ekki í miklum mæli. Hins vegar er mun meira um þetta ofbeldi en almennt er viðurkennt. Þrjár rannsóknir hafa verið gerðar hér á landi í þessum efnum sem benda til þess að ofbeldi eigi sér í um 5% tilfella stað á meðgöngu. Ofbeldi innan náinna sambanda getur haldið áfram eftir að meðganga hefst, en í sumum tilfellum hefst ofbeldi við meðgönguna. Hér á landi er ekki mikið um skimun við ofbeldi kvenna á meðgöngu í meðgönguvernd. Erlendis tíðkast það í meiri mæli og hefur sýnt sig að það hefur jákvæðar afleiðingar í för með sér. Það er því vert að athuga hvort skimun hér á landi myndi skila tilætluðum árangri og hafa jákvæðar afleiðingar fyrir konur sem beittar eru ofbeldi. Markmið ritgerðarinnar er að skoða það ofbeldi sem konur verða fyrir á meðgöngu í nánum samböndum. Jafnframt er komið inn á þá skimun sem beitt er hér á landi og hlutverk félagsráðgjafa tengt við efni ritgerðarinnar