Viðhorf erlendra ferðamanna til íslenskrar matarmenningar

Aukin ferðamannastraumur til landsins undanfarin ár hefur kallað á rannsóknir á öllum þeim þáttum sem tengjast upplifun þeirra af dvöl sinni hér. Staðbundin matarmenning hefur mikil áhrif á heildarupplifun ferðamanna af áfangastöðum. Í þessari ritgerð er fjallað um hugmyndir ferðamanna um íslenska matarmenningu, upplifun þeirra á íslenskum mat og þá þætti sem áhrif hafa á matarval þeirra. Rannsóknin byggir á hálfstöðluðum viðtölum sem tekin voru í mars 2019 við sjö ferðamenn af ólíkum þjóðernum og af báðum kynjum. Flestir viðmælendur tengdu íslenska matarmenningu við fisk, ýmist vegna þess að þeir höfðu kynnt sér hana í undirbúningi sínum fyrir ferðina eða að þeir gátu sér til um það vegna nálægðar landsins við sjó. Viðmælendur höfðu almennt góða reynslu af íslenskum mat, sérstaklega hvað fisk varðar. Flestir þeirra áttu erfitt með að tilgreina hver væru sérkenni íslenskrar matarmenningar og fannst þeim framboð á hnattrænum mat s.s. hamborgurum og pizzum vera áberandi mikið. Í viðtölunum kom fram að helsti hvati ferðarinnar hafi verið náttúra landsins fremur en það að kynna sér íslenska matarmenningu. Ýmsir þættir höfðu áhrif á matarval ferðamannanna s.s. kunnugleiki, framboð og verðlag. Hátt verð á matvælum var nefnt sem afgerandi hamlandi þáttur