Af hverju ofbeldi? Tekjur sem áhrifaþáttur ofbeldis í nánum samböndum

Heimilisofbeldi hefur lengi verið eitt stærsta félagslega vandamál samfélaga. Þó það hafi ekki verið byrjað að rannsaka það almennilega fyrr en á miðri síðustu öld, hefur það þó verið viðloðandi líklegast frá upphafi siðmenningar. Í þessari rannsókn er leitast eftir því að skoða hvaða félagslegu þættir geta haft áhrif á þær gjörðir að einstaklingur beiti maka sinn ofbeldi. Áherslan verður sérstaklega á að skoða hvort að félagslegir þættir eins og tekjur hafi áhrif á tíðni ofbeldis í nánum samböndum. Skoðuð voru gögn frá Hagstofu Íslands um ársmeðaltekjur í póstnúmerum á höfuðborgarsvæðinu og borin saman við tilkynnt heimilisofbeldisbrot til lögreglu, en þau gögn voru fengin frá lögreglunni á höfuðborgarsvæðinu. Vildi höfundur skoða ársmeðaltekjur eftir póstnúmerum og bera saman við hvort það væru fleiri tilkynnt heimilisofbeldisbrot til lögreglu eftir því sem lægri ársmeðaltekjurnar væru. Fengust tölfræðilega marktækar niðurstöður við greiningu á gögnunum. Það má því álykta sem svo að tekjur séu áhrifaþáttur í þessu ferli, þó ekki sé hægt að fullyrða að orsakasamband sé þar á milli