Vinnustaðaumhverfi: Sálfræðileg áhrif gluggaútsýnis á líðan flugumferðarstjóra

Í þessari rannsókn var leitast við að kanna áhrif vinnustaðarýmis með og án gluggaútsýnis á líðan flugumferðarstjóra sem vinna oft á tíðum undir miklu álagi. Þátttakendur (N = 30) voru íslenskir flugumferðarstjórar sem starfa í flugturni (rými með glugga) og í flugstjórnarmiðstöð (gluggalaust rými). Lagðir voru fyrir spurningalistar, fyrir og eftir klukkustundar vinnustöðu, til að kanna hvort þörf fyrir sálfræðilega endurheimt og upplifun á fjarveru og hrifningu væri ólík eftir vinnuumhverfi. Niðurstöður sýndu að munur var á þörf fyrir sálfræðilega endurheimt eftir vinnuumhverfi. Ólíkt því sem gert hafði verið ráð fyrir fundu starfsmenn flugturns fyrir meiri þörf fyrir endurheimt en starfmenn í flugstjórnarmiðstöð eftir vinnustöðu. Í samræmi við fyrri rannsóknir var búist við að starfsmenn flugturns myndu upplifa meiri fjarveru og hrifningu í vinnurými. Niðurstöður sýndu að ekki kom fram marktækur munur á upplifun starfsmanna á fjarveru. Niðurstöður á upplifun á hrifningu sýndu sterka tilhneigingu til marktektar og var hrifning meiri hjá starfsmönnum í flugturni en í flugstjórnarmiðstöð