Skáld og kirkjunnar þjónn: Um Stefán Ólafsson skáld og prest í Vallanesi í ljósi barokks

Í ritgerð þessari verður fjallað um prestinn og skáldið Stefán Ólafsson í Vallanesi á Völlum. Rannsóknartímabilið er frá 1618 til 1688. Ritgerðin skiptist í þrjá megin kafla og í nokkra undirkafla. Í fyrsta kafla ritgerðarinnar verður fjallað um fyrri hluta ævi Stefáns, þ.e. fæðingu hans, menntun í latínuskólanum í Skálholti og menntun hans og fræðistörf í Kaupmannahafnarháskóla. Fjallað verður sérstaklega um samskipti hans við Brynjólf Sveinsson biskup í Skálholti og Ole Worm. Í öðrum kafla ritgerðarinnar verður fjallað um síðari hluta ævi Stefáns, þ.e.a.s. þegar hann kemur heim frá Kaupmannahöfn og fær prestvígslu. Fjallað verður um veru hans í Vallanesi, fjölskyldu hans, veikindi og andlát. Í þriðja kafla ritgerðarinnar og þeim síðasta verður fjallað um barokktímann og lærdómsöldina. Skáldskapur Stefáns verður skoðaður og þá hverskonar kvæði hann orti. Rannsóknarspurningar ritgerðarinnar eru eftirfarandi: • Hvernig var sambandi Brynjólfs Sigurðssonar og Stefáns háttað og hvað gæti hafa orsakað að Brynjólfur réði Stefáni frá Frakklandsförinni? • Er hægt að líta á Stefán Ólafsson sem barokkskáld og fulltrúa þeirrar stefnu á Íslandi? Í lok ritgerðarinnar leitast ég við að svara þessum spurningum og kemst ég að þeirri niðurstöðu að samband þeirra Stefáns og Brynjólfs var mjög sérstakt. Hefur Brynjólfur haft miklar mætur á Stefáni og hafa heilræði hans sennilega verið gefin með hans hag í huga. Það virðist hafa orði stirt á milli í kjölfar þessara heilræða og leiði ég líkur að hugsanlega hafi Stefán átt þar einhvern hlut að máli. Seinni rannsóknarspurningunni svara ég játandi, þ.e.a.s. það má líta á Stefáns sem barokkskáld og fulltrúa þeirrar stefnu á Íslandi