Streituvaldar í umhverfi leikskólabarna og leiðir að bættu umhverfi þeirra

Ritgerðin fjallar um streituvalda í umhverfi leikskólabarna og leiðir að bættu umhverfi þeirra. Aðalviðfangsefnið er hvað í umhverfi barna skiptir mestu máli þegar kemur að streitu. Streita getur verið slæm fyrir bæði líkama og huga og er það sérstaklega slæmt þegar kemur að börnum. Streitu er erfitt að forðast en hægt er að halda henni í skefjum með forvörnum og fyrirbyggjandi aðgerðum. Snjalltækjanotkun, vinnutími foreldra, löng viðvera barna, hávaði og álag er dæmi um streituvalda í umhverfi leikskólabarna. Það er margt sem þarf að bæta í umhverfi leikskólabarna og hreyfing og hollt mataræði, rólegt andrúmsloft, bættar aðstæður á leikskóla og bætt starfsumhverfi leikskólastarfsmanna eru góð dæmi. Það vantar í raun viðhorfsbreytingu í íslensku samfélagi og þurfum við að huga að fjölskyldumiðuðu samfélagi. Með því að stytta vinnuviku og lengja fæðingarorlof gefst meiri tími til þess að njóta samveru með börnum okkar. Niðurstöður sýna að streita er áhyggjuefni sem hefur slæmar afleiðingar fyrir einstaklinga, fjölskyldur og samfélagið í heild. Við þurfum að huga betur að börnum okkar og framtíð þeirra