Náttúruhamfarir á Íslandi, áhrif á einstaklinga og þróun viðbragða

Markmið þessarar heimildaritgerðar er að fá yfirsýn yfir helstu afleiðingar náttúruhamfara fyrir þolendur þeirra ásamt því að kanna hvað hefur verið gert til að létta þolendum lífið í kjölfar náttúruhamfara á Íslandi frá árinu 1973. Var tilgangurinn að fá heildstæða mynd af því hvernig viðbrögð í kjölfar náttúruhamfara hafa þróast undanfarna áratugi. Eyðilegging húsnæðis og annarra eigna er mikil í kjölfar náttúruhamfara og er mikilvægt að uppbyggingarferli hefjist sem fyrst eftir að áfall ríður yfir og að faglega sé unnið að úrbótum. Þolendur geta slasast og orðið vitni að dauðsföllum ættingja sinna og vina ásamt því að þjást af áfallastreitu. Íslenskar rannsóknir hafa sýnt að stórt hlutfall þolenda náttúruhamfara þjáist af áfallastreitu ásamt því að glíma við önnur verkefni sem huga þarf að í uppbyggingu heimilis og samfélags eftir náttúruhamfarir. Á undanförnum áratugum hefur verið unnið að skilvirkum leiðbeiningum til að fá betri yfirsýn yfir verkefni í kjölfar áfalla á borð við náttúruhamfarir. Hefur þessi þróun leitt til aukins stuðnings við þolendur, samskiptamiðstöðvar eru starfrækar og þolendum er boðin áfallahjálp til að aðstoða við úrvinnslu á reynslu sinni