Kynheilbrigði unglinga. Árangur af kynfræðslunámsefninu Kynveruleiki - Í ljósi kynheilbrigðis

Rannsóknir benda til ótvíræðs árangurs kynfræðslu í skólum til betra kynheilbrigðis unglinga. Hér á landi eru ótímabærar þunganir og kynsjúkdómar tíðari í samanburði við mörg OECD lönd. Árangur af kynfræðslu í grunnskólum á Íslandi hefur lítið verið rannsakaður. Tilgangur þessarar rannsóknar var að forprófa og meta árangur af kynfræðsluefninu Kynveruleiki í ljósi kynheilbrigðis. Aðferð: Lögð var fyrir nafnlaus spurningakönnun fyrir nemendur í 8. bekk eins grunnskóla Reykjavíkur, fyrir og eftir kynfræðsluíhlutun (ein kennslustund á viku í átta vikur) haustið 2010. Alls svöruðu 101 nemendur báðum könnununum, 52 stúlkur og 49 drengir. Könnuð var þekking, viðhorf, kynhegðun og samræður við foreldra um kynlíf. Niðurstöður: Niðurstöður leiddu í ljós að þekking nemenda jókst ( úr 68% rétt svör í 79%, p<0,001). Stúlkur höfðu meiri þekkingu en drengir í upphafi (stúlkur 70% rétt svör, drengir 65%) en þekking jókst jafnmikið hjá stúlkum og drengjum eftir íhlutun. Viðhorf til ábyrgðar í kynlífi og svar við staðhæfingu sem lýsir fordómum breyttist marktækt á milli tímapunkta hjá báðum kynjum (p<0,002 og p<0,034). Hjá drengjum breyttust einnig viðhorf um sjálfsvirðingu og virðingarleysi marktækt. Við upphaf íhlutunar sögðust 4% nemenda hafa haft samfarir en eftir 8 vikur var hlutfallið 10% (p