Réttindi barna: frá fóstri til sjálfræðis

Verkefnið er lokað til júlí 2010Í þessari ritgerð verða skoðuð hin ýmsu réttindi barna. Í fyrsta lagi verður litið á réttinn til lífs, rétt barns á meðan það er enn í móðurkviði sem og grundvallarþörf barns fyrir ást og umhyggju. Farið verður yfir það hvenær barn er orðið að sjálfráða einstaklingi, en í sumum tilfellum geta börn, sem ekki hafa náð sjálfræðisaldri, verið komin með rétt til að taka sjálfstæðar ákvarðanir varðandi ýmis mál sem þeim er veitt heimild fyrir í lögum. Breytingar á þjóðfélagi og uppvaxtarskilyrðum barna í gegnum árin eru athugaðar. Þá verður fjallað um íslenska löggjöf sem tengist barnarétti, litið verður á nokkur lög er snerta íslenskan barnarétt sem og stofnanir og nefndir sem tengjast réttindum barna. Stiklað verður á stóru í sögulegri þróun laga er snerta barnarétt. Næst er fjallað um alþjóðasamninga en nokkrir samningar fjalla um réttindi barna, bæði frá Sameinuðu þjóðunum sem og Evrópuráðinu og verður mest litið til tveggja samninga, Samning Sameinuðu þjóðanna um réttindi barnsins og Evrópusamning um réttindi barnsins. Litið verður á hvernig þeir tengjast inn í íslensk lög, hvar þeir snerta á réttindum barna og hvað á við í íslensku þjóðfélagi. Í lokin verður komið inn á dóma og viðurlög við brotum á réttindum barna. Litið er á þrjá mismunandi dóma og dómsniðurstöður til þess að glöggva sig aðeins á framkvæmd barnaverndarlaga og tilstuðlan dómstóla